זעכציג האמער

דער זייגער האקט

מיט 60 האמער

צווישן צוואנגען קלאמער

צום טאקט -

פון לעבן

דער זייגער כאפט

פאר זיך אלע סעקונדן

איגנארירט וואונדן

און קלאפט -

שטרעבן

דער זייגער שפאנט

פיצל טריטן

סעקונדעס מינוטן

קאפ אין וואנט -

נאך דערצו

דער זייגער וואונקט

מיטן פינגער נא-נא

און נאך א שעה

קלונגט -

נו?

דער זייגער קריכט

מיטן שטעקן אין די הענט

אויף גראדע ווענט

און זוכט -

ווייט

דער זייגער לויפט

מיט די פיס ביידע

אין יעדע געביידע

און קויפט -

צייט

-

אינגאנצן פארגאפט

אויף זיין לעבהאפט

איך שטיי -

ביים זייגער

זיין טרייב קראפט

און שטאנדהאפט

הלוווואי -

פאר מיר זיין שטייגער

-

האסט א בעטערי?