שטיקעלעך איד

שטיקעלעך מענטש

ברעקעלעך הארץ

שארבעלעך מוח

צעבראכן. צעפיצלט. נישטא.

שנירלעך האפענונג

וואלקנדלעך טרייסט

בלעזלעך דערגרייכונג

צעבלאזן. צעגאנגען. נישטא.

פינטלעך רצון

שפענדלעך פייער

פונקעלעך שטרעבן

צעטראטן. פארלאשן. נישטא.

פלעמעלעך דראנג

ליכטעלעך טרוים

פאקעלעך שטרעבן

צערינען. צעלאזט. נישטא.

-

אַ פינטעלע איד

אַ טראפעלע בלוט

אַ ברעקעלע האף

אלעמאל. איבעראל. איז דא.